Roller-Coaster..

I love being hurt by someone I love..

  

   Nakakatawang isipn na pagdating sa problema ng ibang tao, magaling tayo magpayo o magsalita ng dapat gawin? Pero hindi ba natin naiisip na kapag dumadating naman sa atin ang mga ganoong pangyayari, iba rin naman ang ginagawa natin sa dapat na ipnayo natin. Ganyan kagulo ang tao. Hindi mo maintindihan kung anong gusto palabasin. Masakit talaga sa ulo. Naiisip mo din naman na walang mali sa mga sinabi mo pero bakit ikaw mismo hindi mo magawa,o diba?

Halimbawa ko sa inyo:

1. "Makipagbreak ka na diyan!" 

           o di kaya'y

2. "Wag ka na makipagbalikan diyan,lolokohin ka na naman niyan!"

Pamilyar ba? Ang bilis sabihin pero kapag sa'yo sinabi, kahit sa panaginip hindi mo magawa. Mas masarap pa mag-exam ng buong araw kaysa planuhin mo kung paano sismulan. 

Magulo din ang isip ng mga taong inlab. Hindi mo malaman ano talaga ang gusto nilang sabihin.

Halimbawa ko sa inyo:

1. "Sobrang masaya ang buhay ko sa kanya! Pwede na nga ko mamatay bukas e!"

            o di kaya'y

2. " Hindi ko alam na ganito kasarap magmahal! Sabi ko na nga ba e!"

Ang gulo diba? Ewan ko ba. 

I love being inlove..

   Ang mga taong inlab naman,hanep! Kapag pinaiyak sila ng mga mahal nila, anong kadalasang ginagawa? Hahanap ng kaibigan, at sasabihin lahat ng pwedeng sabihin na against sa mga minamahal nila. Ganyan na ang nature ng mga tao. Iiyak,magsisisi kunwari at kung bakit pa daw siya nagpaloko. O diba tama?

   E yung mga taong hindi naman inlab? Pansin nyo naiinis sila sa mga lovers na "PDA". Pero subukan mo na sila magka-boyfriend/girlfriend, tignan  nga natin kung hindi din nila gagawin yun. Sila rin mismo ang magsasabi sa mga sarili nila na wala namang masama sa ginagawa nila. 

  Ilan pa lang iyang mga bagay na talagang nagpapatunay na magulo ang tao pagdating sa pag-ibig. Sala sa init, sala sa lamig. Roller Coaster ang emotion. Mahal nila, sinaktan sila kaya hindi na niya mahal, naging ok sila kaya mahal na niya ulit. Iyan ang mundo ng pag-ibig!

SIno ang kanino?

  

  Ilang taon na rin ang lumipas mula noong nagkaroon ang Pilipinas ng sariling pamahalan. Sabi ng karamihan, ito raw ay isang hudyat na nakakatayo na ang mga Pilipino sa kanilang sarling mga paa. Sa isang banda, tama nga naman. Hanggang sa kasalukuyan ay mayroon pa rin tayong pamahalaan na pinaniniwalaang "gabay" ng mga Pinoy. Hindi ko tuloy alam kung paano ko paniniwalaan ang huli kong pahayag. Hindi ko alam kung bakit ko pa nga ito nasabi e. Hindi ko nilalahat ang lahat ng opisyales ng bansa. Sa katunayan, hinati ko sila sa dalawang katawagan,: ang PUBLIC OFFICAL at POLITICIAN.

Isa siyang PUBLIC OFFICIAL kung:

   Organisado ang mga proyektong inihain niya sa mga mamamayan. Wala siyang ibang hinahangad kung hindi ang kapakanan ng kanyang nasasakupan. Parati siyang handang makinig sa mga saloobin nila. Hinihimay niya ang bawat detalye at pinagiisipan niyang mabuti kung ano sa tingin niya ang makakabuti sa nakararami. Sandalan siya ng kanyang mga nasasakupan. Tinuturing siyang  idolo. May imahe siyang ":makamasa". Higit sa lahat, kung sa tingin niyang wala siyang  nagagawang mabuti, siya ang magkuksang umalis at bumaba sa kanyang posisyon. ISA SIYANG PUBLIC OFFICIAL!

Isa naman siyang POLITICIAN kung:

   Walang ibang tumatakbo sa isip niya kung hindi ang pagtakbo sa susunod na eleksyon. May mga proyekto rin naman subalit sa bawat proyekto, hindi maaring mawala ang mga naglalakihang "tarpaulin" na nakabalandra ang mga mukha at pangalan nila. Para saan ang mga ito? Siyempre, para sabihin sa lahat na sila ang nagpagawa ng proyekto.Kung hindi naman tarpaulin o streamer, ang mga tulay, daanan, o kalsada na ipinagagawa ay kadalasang kakulay ng kanyang sinismbolong kulay.   Gumagawa siya ng magandang imahe upang hindi siya makalimutan ng kanyang nasasakupan sa darating na eleksyon. Sigurado rin na magiging maingay ang pangalan niya kapag malapit na ang eleksyon. Dito na lalabas ang lahat ng mga proyektong ginawa niya. Ultimo pangalan ng mga natulungan niya,asahan na nating lalabas ang mga iyan. ISA NGA SIYANG POLITICIAN!

    Hinihiling ko lang na sana ay magising na tayong mga Pinoy sa pakikibahagi sa mga gawaing pambansa. Kilalanin ang bawat pinuno at alamin kung isa nga siyang PUBLIC OFFICIAL o POLITICIAN.