A letter for myself..

To my childhood partner;                                                                                             Kamusta ka na kaya? Tama ba itong tanong ko? O mas mabuti na itanong ko kung kamusta na ako. Iyon siguro ang mas mainam na katanungan. Bakit ka na naman magkakaroon ng problema diba? Natatandaan ko pa dati (nung mga panahon na ikaw ang kasama ko), wala tayong ibang ginawa kung hindi ang maglaro at magtawanan. Naalala ko pa nga, ang pino-problema lang siguro natin ay yung oras ng pagligo natin at maging iyong oras ng pagtulog natin sa hapon. Diba iyon ang pinakaayaw natin na oras ng araw natin?Naalala mo pa noong tinatatakot tayo ni lola na          

kakainin daw tayo ng "bunot" kapag hindi daw tayo natulog? Grabe yun, takot pa naman ako sa bunot noon. Tapos lagi ka pa tatakutin ng lola mo. Grabe talaga.                                                                             

       Alam mo ba, hindi na ganoon iyon ngayon. Lagi na ako naghahanap ng bakanteng oras para matulog. May mga pagkakataon pa nga na kahit sa eskwelahan, natutulog na din ako e. Siguro epekto iyon ng napakaraming gawain ko sa paaralan. Ilan taon na rin naman ang lumipas. 

       E naalala mo rin ba iyong mga panahon na kapag nagkaroon ng maliit na problema ay makakaiyak tayo kahit gaano kalakas na naisin natin. Ay naku, hindi ko na pwede gawin iyon ngayon. Kapag ginawa ko iyon, malamang pagchi-chismisan ako ng mga taong makakakita sa akin. Iiyak lang siguro ko ngayon sa harap ng mga taong malalapit sa akin (iyong mga makakaintindi sa akin). Hindi na rin ako pwede maglaro ng mga paborito nating "barbie dolls" tulad ng dati. Namimis ko na nga laruin iyong koleksyon natin ng "sailormoon dolls" e. Walang humpay sa paglalaro hangga't hindi pa oras ng pagkain o pagligo.Kung hindi naman "barbie dolls", nariyan iyong lalabas tayo at maghahanap ng mga kalaro. Taguan, patintero, habulan at iyong paborito nating laro, "paglalaro ng holen". Panay pa ang pakikipagpustahan natin sa mga kaibigan nating lalaki. 

      Ang sarap ng buhay natin noon no? Walang problema, walang mabibigat na iniisip. Patawad PARTNER, hindi na kita masasamahan ngayon sa ganoong uri ng buhay. May mga obligasyon at tungkulin na rin akong kailangang gampanan ngayon. Iyan na ang bagong AKO ngayon. 

        Gusto ko lang sabihin sa iyo na hindi ko malilimutan ang mga pinagsamahan natin. Isa iyon sa mga hindi makakalimutang parte ng buhay ko. 

"LOVE" according to him

    

    Sino nga naman ba ang hindi nakakakilala kay Bob Ong? Marahil karamihan sa atin ay kilala siya bilang isang magaling na manunulat. Para sa akin, hindi matatawaran ang galing niya sa paglikha ng mga akda. Halos lahat ng akda niya ay nabasa ko na. Isa sa mga nagustuhan ko ay ang mga sinabi niya tungkol sa "pag-ibig". Narito ang mga pahayag niya tungkol sa pag-ibig na tunay nga namang tumatatak sa aking isipan:

PAG-IBIG

“Kung hindi mo mahal and isang tao, wag ka nang mag pakita ng motibo para mahalin ka nya..”

“Lahat naman ng tao sume seryoso pag tina maan ng pag mama hal. Yun nga lang, hindi lahat mat i bay para sa temptasyon.”

“Gamitin ang puso para ala gaan ang taong mala pit sayo. Gamitin ang utak para ala gaan ang sar ili mo.”

“Huwag mong bitawan ang bagay na hindi mo kayang mak i tang hawak ng iba.”

“Huwag mong hawakan kung alam mong bibitawan mo lang.”

“Huwag na huwag ka hahawak kapag alam mong may hawak ka na.”

“Parang ele va tor lang yan eh, bakit mo pag sisik sikan ung sar ili mo kung walang pwesto para sayo. Eh meron naman hag dan, ayaw mo lang pansinin.”

“Kung maghi hin tay ka nang lalandi sayo, walang mangya yari sa buhay mo.. Dapat lumandi ka din.”

“Pag may mahal ka at ayaw sayo, hayaan mo. Malay mo sa mga susunod na araw ayaw mo na din sa kanya, nau na­han ka lang.”

“Hiwalayan na kung di ka na masaya. Walang gamot sa tanga kundi pagkukusa.”

“Pag hindi ka mahal ng mahal mo wag ka magreklamo.

Kasi may mga tao rin na di mo mahal pero mahal ka.. Kaya quits lang.”

“Bakit ba ayaw mat u log ng mga bata sa tang hali? Alam ba nilang pag natuto silang umibig e hindi na sila makakat u­log kahit gusto nila?”

“Hindi lungkot o takot ang mahi rap sa pag-iisa kundi ang pag tang gap na sa bilyon-bilyong tao sa mundo, wala man lang nakipagla ban upang makasama ka.”

“Kung nagma hal ka ng taong di dapat at nasak tan ka, wag mong sisi hin ang puso mo. Tumiti bok lang yan para mag-supply ng dugo sa katawan mo. Ngayon, kung mag a l ing ka sa anatomy at ang sisisi hin mo naman ay ang hypo­thal a mus mo na kumokon trol ng emo tions mo, mali ka pa rin! Bakit? Utang na loob! Wag mong isisi sa body organs mo ang mga sama ng loob mo sa buhay! Tan daan mo: magig ing masaya ka lang kung matu tuto kang tang gapin na hindi ang puso, utak, atay o bituka mo ang may kasalanan sa lahat ng nang yari sayo, kundi IKAW mismo!

     Narinig na rin nyo ba ang mga ito?!

Panaginip na lamang ba?

Isang gabi noon, ako'y nanaginip,

Napadpad ako sa gitna ng gubat.

Nang dumating ako doon, ang ganda ng kapaligiran;

Mayayabong ang mga puno, kay gandang pagmasdan.

Malawak ang karagatan, mga bundok umaagaw pansin;

Ang dami ng mga isda, ang hangi'y kaysarap langhapin.

Mabeberde ang mga halaman, walang makikitang basura;

Noon ko lang naramdaman ang tuwa at ligaya.

Dahil sa saya ang naramdamdaman, ako'y napaluha;

Mula noon, sana'y dati pa ginawa,

Ang hindi inaapi at pinapabayaan na kapaligiran;

Mahalin lang, alagaan, at intindihin ang kalikasan.

Huwag sanang sirain ang yamang bigay sa atin,

Dahil balang araw, sa atin din maibabalik ang galit.

Regalo ito ng Maykapal sa atin, kaya't baguhin na ang ugali;

Sana'y totoo ang lahat ng nangyari, kahit isang panaginip at guni-guni.

???

Hindi ko alam kung bakit ako nagsulat at “nag-post” ngayon ng wala sa oras. Sa totoo lang, kanina pa ako nagiisip na maari kong isunod na isulat dito. Nakakatuwang isipin na dahil sa isang insekto na nakita ko ay nakaisip ako ng maaring isulat. Hulaan nyo kung ano iyong tinutukoy ko? Ipis.

Ewan ko ba, ngunit sa tuwing nakakakita ako ng ganitong insekto, kakaibang takot na agad ang nararamdaman ko. Sabi ng nanay ko, subukan ko daw pumatay ng isang ipis at mawawala iyong takot na sinasabi ko sa inyo ngayon. Siguro sabihin na lang natin na hindi ko narinig ang anuman dun dahil hanggang ngayon ay hindi ko pa rin nagagawa. Sa tuwing makakakita ako ng mga ipis sa loob ng aming bahay, sigurado na may maririnig ka na agad na sumisigaw at kung kani-kaninong pangalan ang tinatawag.Nariyan pa yung tipong magbabagsakan yung mga plato sa kusina. Huwag ka na magtaka kung sino yun, walang iba kung hindi AKO. Tunay nga namang ang lakas ng “impact” nila sa akin, walang duda. Mas malakas ang “impact” sa akin ng mga ipis na lumilipad. Sila ang pinakanakakasindak sa akin. Nakakatakot. Ngunit siguro, may bahagi din na nakakatuwa doon. Iyon ay yung kapag naghahabulan na kaming dalawa. Ako yung hinahabol.

Naalala ko may isang pagkakataon na kung saan halos hindi talaga ako nakatulog magdamag. Tag-ulan noon. Sa tuwing ipipikit ko na ang aking mga mata, may mga mararamdaman akong gumagawlaw. At tama ka, iyon nga ang aking mga bespren. Talagang ayaw akong patahimikin. Hanggang sa pagtulog ba naman? Kaya nga badtrip ako nun paggising ko. Ikaw ba naman ang hindi matulog sa gabi diba?

Sila nga ang nagpatunay sa akin nung madalas ko naririnig na "Lahat ng nakikilala mo ay may gagawing mahalagang parte sa buhay mo". Tama nga naman. Tulad nila diba? Sila siguro yung mga maituturing kong KATAPAT ko. Iyan ang mga ipis para sa akin.

Ang Aking "Superman"..

He's just an amazing guy for me..

Sino sa inyo ang may itinuturing na idolo? Sigurado marami sa atin ang humahanga sa mga sikat na artista, mga banda, mang-aawit, at marami pang iba. Ako rin ay tulad ninyo. Mayroon din akong hinahangaan. Hayaan nyo kong ipakilala siya sa inyo at tiyak ko na mauunawaan nyo kung bakit siya ang napili ko.

Isa siya sa mga pinakasimpleng tao na nakilala ko. Hindi mahilig sa anumang luho sa katawan. Wala siyang ibang iniisip kung hindi ang kapakanan ng kanyang pamilya. Mapagmahal at maalaga, iyan ang ilan sa mga katangiang gustong-gusto ko sa kanya. Saksi ako kung paano niya inaalagaan ang kanyang pamilya. Kinalimutan ang sarili para maibigay ang nais ng mga mahal sa buhay.

Hindi ko pagsisisihan kahit na isang minuto na nakasama ko siya. Masaya siyang kakwentuhan at sadya nga namang mapagbiro. Isa siyang kaibigan, karamay at sandalan para sa akin. Isa siya sa mga taong una kong naiisip na pagsabihan ng aking mga saloobin. Alam ko kasi ang katotohanan na pakikinggan at paniniwalaan niya ko. Sa tuwing ako ay mahina, pinipilit niyang maging malakas para sa akin. Siya ang naging daan upang marating ko kung ano man ang knatatayuan ko ngayon.

Maraming pagkakataon na rin na kung saan nagkaroon kami ng alitan. Nariyan ang mga hindi pagkakaunawaan sa pagitan naming dalawa. Bagamat may mga pangyayaring ganoon, alam ko na sa mga panahon na hindi kami masyadong nakakapagusap ay wala pa ring mababago sa anumang samahan na nabuo namin.

At ngayong malayo siya sa akin, alam ko na palagi niya kaming inaalala. Nasasabik kami sa araw na muli namin siyang makikita at makakasama.Nasasabik na rin akong makasama ulit ang aking idolo. Lagi mong tandaan Papa, ikaw ang aking SUPERMAN.s

Drive yourself crazy

Hindi nyo ba napapansin, napakaraming libro, magasin at kung ano-ano pa ang lumalabas ngayon para magbigay ng mga tips kung paano mapapabuti ang buhay natin? Sigurado ko may mga nabasa ka ng ganyan. Subalit kahit ganoon, mayroon pa ring mga tao na pinipili na gawing miserable ang mga buhay nila. Nandito ko para tulungan ang mga taong iyon. Narito ang mga tips na dapat sundin para gawing magulo at miserable ang buhay mo. * Wag mag-isip ng mga problema mula umaga hanggang bago maghatinggabi. Kapag dating ng alas-dose, simulan ang mabigat na pag-iisip. Isipin ang lahat ng problema kahit yung mga problemang parating pa lang. * Gumawa ng listahan ng iyong mga kahinaan. Huwag isama ang mga tamang nagawa sa buhay. Pumili rin ng mga kaibigan na magpapaalala sa'yo ng mga kapalpakan na nagawa mo. Kung wala kang makita, sigurado ko na mayroon 'yan sa mga kamag-anak mo. * Pangarapin mo ang mga bagay na hindi naman masyadong mahalaga. Isipin na mas marami pang mas magaling sayo. * Gawin ang lahat ng gawain sa "last minute". Sa ganitong paraan, sigurado na maiistres ka agad. * Matulog kahit apat na oras lang. Uminom ng maraming kape. Hangga't kaya ng katawan, piliting huwag mag-ehersisyo. * Huwag ipaalam sa iba ang iyong nararamdaman. Hayaan mo silang madiskubro iyon sa sarili nila. Isiping obligasyon nila iyon,at hindi sa iyo. * Huwag magtiwala kanino man. Solusyunan ang problema ng mag-isa. * Iwasang magpahinga o kahit ang magbakasyon. Isiping gastos lang yan. At mas mabuti na magtrabaho lang ng magtrabaho. Kaag sinunod mo ang mga tips na ito, siguradong sasakit ang ulo mo. Hindi ba kahit nung binabasa mo pa lang ay ganun na rin ang nararamdaman mo? Let's drive ourselves crazy.

Bespren ba kita?

Sa araw-araw na ginawa ng Diyos, hindi natin mabibilang kung ilang tao ang nakakasalubong, nakakangitian at nakikilala natin. Iba-ibang itsura, iba-ibang personalidad. Mayroong mga taong tunay at mayroon din namang hindi. Hindi lahat ng ngiti ay tunay at galing sa puso. Ang ilan sa mga ito ay ginagawa lamang dahil kailangan. Masasabi kong napakaswerte ko dahil nakilala ko na ang taong maari kong tawaging "bestfriend", isang tao na alam kong refleksyon ng aking pagkatao. Ikaw ba,nakilala mo na rin ba siya? Siya ang bestfriend mo kung taglay niya ang mga katangiang ito:

1. May mga pagkakataong inuuna niya ang kapakanan mo kaysa sa sarili niya.

2. Mahalaga sa kanya ang anumang sasabihin mo.

3. Handa siyang pakinggan ang lahat ng paliwanag mo.

4.Nakikita mong siya ang huling taong iiwan sayo.

5. Hindi ka niya hinusgahan kahit minsan.

6. Karamay mo siya sa lahat ng kaganapan sa buhay mo.

7. Hindi siya nandyan sa magagandang parte ng buhay mo, kung hindi sa mga panahong hindi mo na kayang ngumiti.

8. Tiwala siya sa lahat ng sinasabi mo.

9. Lumalakas ang loob mo kapag kasama siya dahil alam mong naniniwala siya sa kakayahan mo.

10. Siya ang una mong naiisip na sabihan ng mga bagay-bagay tingkol sa'yo.

11. Handa siyang ibahagi sa'yo ang anumang meron siya.

Higit sa lahat, siya ang taong sandalan, kasangga at karamay mo sa lahat ng bagay. Iyan ang bestfriend. Siya ang bestfriend ko.